梁焯滿痛失20年好友：知佢有情緒病

昨日藝人梁焯滿、陳昭昭及前亞姐李菁到屯門出席活動，與陳開心（Colleen）分屬好友的梁焯滿坦言痛失好友：「同佢識咗廿年，知佢有情緒病，佢一直對事業有壓力，幾個月前我介紹佢簽我經理人公司接內地登台工作，已經傾咗一個內地20間連鎖酒吧畀佢登台，亦傾緊一部內地投資嘅電影，佢做第二女主角。我最後見佢係9月30號，嗰日大家咁啱都喺深圳工作就約見面。」他又指與Colleen同是11月生日，本已約定搞Party慶祝：「依家唔搞Party啦！會透過朋友睇吓Colleen嘅後事有咩幫手。」