早前各地影展以及電影電視頒獎禮輪流舉行，出席如斯隆重的場合，衣着打扮當然要悉心配襯，女星們行紅地氈多會一副戰鬥格上陣，高貴晚裝裙自然是穩陣之選，而小禮服都一樣可以穿得夠grand夠得體。名模陳嘉容就大讚荷里活女星娜奧美屈絲的銀色晚裝裙性感又優雅，珍妮花羅倫絲的deep V黑色裙則剛中帶柔，充滿女人味。
「好突出，硬朗得嚟又性感，好有女人味，個deep V cutting好難着，佢carry得好好睇，演繹到剛中帶柔嘅感覺，恰到好處。髮型同化妝都襯得好好，加番條長頸鏈或者誇張款式嘅耳環，加啲bling bling效果會加分同更加搶眼。」
「有新鮮感，fashionable，流露出佢嘅潮流觸覺，條裙着到佢身材好好，高挑纖瘦，有型格又有女人味。化妝髮型都襯得好好睇，好有時尚感。」
「條裙好靚，佢都着得好睇，可惜啲accessories襯錯晒，綠黃嘅手袋同尖頭高踭鞋都唔襯，冇咗着呢條裙應有嗰種高貴優雅感覺，條裙係圓領長袖，再襯密頭鞋感覺侷促，換對露趾銀色bling bling高踭鞋，襯個細嘅clutch已經夠。
「化妝、髮型同個樣都靚，但一身打扮有少少OL嘅感覺，一啲星味都冇，似返工look，casual咗啲，有啲under dress嘅感覺，如果條裙長到落腳眼會好啲。」
「好靚，好突出，胸口有少少透視嘅設計，既性感又高貴優雅。條裙嘅cutting好靚，佢身形亦都carry得好好睇。髮型都好襯，睇到頸同膊頭位好清楚，唔會遮住晒，accessories襯得好恰當。」
「合格嘅晚裝look，不過有少少俗氣，如果紮起少少頭髮，見多啲頸同膊頭，成個人嘅線條望落會修長啲，佢完全冇配襯任何accessories，成個造型比較平淡乏味。」
香港著名模特兒陳嘉容（Eunis），曾為各大國際品牌行時裝騷，在時裝界打滾多年，不論時裝的理論還是實戰都難不倒她，近年更為電視時裝節目擔任主持，化身stylist教人配襯衣着打扮。