千語無懼BB2
吳千語被《好報》踢爆有男友撐腰，連出席朋友飯局都以富貴Look現身，對於有傳林峯以一億簽約英皇，千語昨日出席活動時說：「唔知，人哋冇講，冇問價錢，最重要間公司幫到佢，佢哋之前合作過，有默契，相信會合作得好好。」
提到獲林峯讚醒目，經常踢爆林峯的驚喜，千語說：「佢太容易估，不過踢爆佢會好無癮，所以唔會預計。佢太明顯，諗得太少，連book餐廳食飯都將餐廳名set落電話，間餐廳打嚟就知。（你咪唔驚佢有小三？）好多嘢佢都隱瞞唔到。（放心佢唔會有小三？）佢個人唔會。（佢可能set埋小三電話。）set做BB2。」