陳嘉容收花2月 嘆唔啱key
名模陳嘉容（Eunis）甩拖近一年，其實身邊一直不乏追求者，更有人連續兩個月每天送花到她家，望打動伊人芳心。惜二人最終未能開花結果，而Eunis亦坦言自己不急於拍拖，會靜待緣分的來臨。
陳嘉容（Eunis）自與印籍機師男友分手後，已dry了近一年，但其實她身邊不乏追求者，她透露早前有追求者連續兩個月，每天送花到她家，令她甜在心頭。Eunis笑言：「連大廈看更都同我講『陳小姐，今日又有花！』」
放寬高度要求
她坦言最初有被對方誠意打動，亦有嘗試與對方約會，多作了解，可是，最後亦覺得不合適，她說：「有時同熟嘅朋友一齊，聽佢講嘅嘢，會睇得出佢性格，都係唔係好啱。」問到她的擇偶條件？她坦言不介意對方是否富有，最重要對方不要太黐身，二人要有適當的私人空間。她續說：「我依家對於高度嘅要求都放寬咗，以前想對方高過我，但依家只要唔好矮我太多就OK。」
為事業失姻緣
她坦言從事演藝工作，亦令她錯失不少良緣。她說：「好多男仔都想低調啲，但同我一齊就點都會畀人影，所以都嚇走晒啲人。」但相信緣分天注定的Eunis，表示現時並不急於找伴侶，享受單身的時間。
文：名人組
服飾：ST. JOHN