亞視拖欠九百名藝員及員工九月份薪金逾三星期，事件終得到解決。亞視發言人昨日表示今天將向員工發放九月份薪金，欠薪利息亦會盡快發放。至於十月份薪金，管理層正與股東及投資者洽商希望能如期出糧，亞視發言人再次多謝員工緊守崗位。
前亞姐筱靖對終於有糧出說：「可喜可賀，大家都鬆一口氣，公司真係要感激一班同事，呢段時間亞姐、亞生都如常運作，睇到亞視團結精神，希望公司體諒員工焦急心情，對發聲員工唔好秋後算帳，同埋希望10月都如期出糧啦。」
