阿佘直認等人追 翻撻要問天

已播畢的劇集《使徒行者》平均收視30.5點，成績甚佳，昨晚無綫行政主席梁乃鵬在電視城宴請《使》劇台前幕後，是繼《食為奴》及《愛．回家》後，今年第三套劇獲梁乃鵬請食飯，出席藝人包括劇中演員佘詩曼、林峯、陳敏之、沈震軒、江美儀及黃長興等。

與鄭嘉穎有傾偈

早前阿佘被拍到與舊愛鄭嘉穎齊出席曹永廉生日會，疑似復合，昨晚她笑言是個美麗的誤會：「去到樓下先知有另一個Party，大家分房玩，但係有傾偈。」問到是否跟嘉穎傾偈？她甜笑點頭，問到有否擦出火花？她冧爆說：「打邊爐咋！好熱鬧囉！（復合可能？）都有段時間冇聯絡，當日醉醉哋，唔係好記得發生咩事，總之大家都玩得好開心。（之後有短訊聯絡？）冇喎。（想佢有？）我都等緊愛情，呢啲問個天。（佢追番你？）隨緣啦！我都想有個令自己開心嘅另一半。」其後她轉移話題，表示忙於拍電影版《十月初五的月光》。提到被指是視后大熱，她表示入圍名單尚未出爐，若有份提名，會參與競爭。

阿佘獲梁乃鵬送上大大隻拇指，視后之位又被睇高一線。

貝安琪與母親劉香萍孖住出席飯局。

至於林峯直認跟英皇簽約，但不回應酬勞是否一億天價：「係商業秘密。（滿意？）係！最緊要大家方向一致，有我想做嘅嘢。（簽約三年？）新聞咁講？咪係囉！會發展音樂先。」提到女友吳千語將於本月27日生日，林峯即冧笑表示將留港慶祝，問他如何準備，他笑說：「秘密！係一啲手工嘅嘢。（求婚？）唔會啦！我叫佢唔好估我送咩，佢好聰明，次次都估中，令我冇咗Surprise。」

新婚陳敏之遇上劇中男友沈震軒，雞啄唔斷。

劇中藝人在飯局上開心合照。

陳敏之感冒失聲

至於因感冒失聲的陳敏之表示忙於處理餅舖生意，問老公可有心痛？她說：「少少啦！佢叫我睇醫生。（病咗影響生意？）可以照打字，朋友都好支持，十盒十盒咁買。」此外，對於港視將開台，梁乃鵬認為對TVB威脅不大：「佢係購物平台，唔係一個頻道，媒體都稱唔上，大家唔同業務。（佢哋都有劇！）係倉底貨，總有一日會播晒。」

文：影視組