鄭俊弘放狗傷手無阻簽唱
藝人鄭俊弘（Fred）昨日於apm舉行「apm x 鄭俊弘熊貓的故事簽唱會」，過百粉絲身穿紅Tee「火」爆撐場，更有粉絲為求一簽，從澳門、新加坡等地遠道而來，觀眾塞爆至商場2樓，認真墟冚。而Fred的媽媽、姨姨及唱片公司CEO何哲圖亦有親自到場支持。Fred為答謝歌迷在台上先後獻唱《無名氏》、《熊貓》等歌，又與歌迷大玩有關熊貓遊戲。
訪問時，Fred直言等了開簽唱會很久，之前一直忍手不為粉絲簽名，但有見Fred的右手受傷，可會影響簽唱會？Fred自言是放狗時整傷：「行緊樓梯，狗狗突然掟彎，我一時拉唔住就撞咗埋角。」Fred又話受傷不會影響簽唱會的流暢度，因為自己是左撇子，但傷口比較深，可能會留疤，幸好不影響彈結他。
加國親友捧場
談到Fred與粉絲一樣紅彤彤登場，Fred笑言大家沒有夾好，只是好有心穿了歌迷會的會衫，剛好配合也是穿紅衫的鄭母。Fred指除了媽媽會在香港留到十一月欣賞他的演唱會，身在溫哥華的婆婆、親戚和十多個舊同學亦會回港捧場，問到Fred是否全包大家的食宿？Fred笑言：「我未有呢個能力，但婆婆會包晒。」
文：音樂組
攝：李廣成