羅力威免費任摸

歌手羅力威昨日出席照相會活動，即場獻唱及與歌迷玩游戲。問他影合照時可會擔心粉絲太熱情？他笑言：「唔怕，我呢啲隨便握手、影相、擁抱都得，免費嘅。（冇底綫？）喺大庭廣眾，合乎公共條例就得。其實佢哋都好乖，好有秩序。」提到亞視需要周五前給員工支付欠薪，曾是亞視藝人的他稱當年未試過被拖糧，希望盡快解決問題。對於有傳亞視有新注資者，威威謂：「我嘅說話其實對件事冇幫助，反而沉默是金啱我啲。」他又自稱敢言又感性，會將感性一面放在唱歌上。