JC晒胸器裸嚟尷尬
混血女模Jessica C.及袁嘉敏等昨日於鬧市為新片《屍城》宣傳，身穿低胸連身裙的JC力谷三吋事業線，引來大批龍友從高空瞄準其胸部拍攝，相反密實上陣的嘉敏失色不少，更頓時被比下去。
平日以性感見稱的JC，似乎對自己一身打扮非常滿意，更大讚其造型既整潔又女性化，不過面對新作的赤裸場面，JC不諱言尷尬非常，她謂：「見到啲赤裸場面好尷尬，塊面紅晒，之後就喺張櫈度愈坐愈低，不過都要多謝導演剪片剪得好好。（頭先有人係咪對住你個胸影相？）其實都習慣，啲人成日話見到我，原來係話我戴住Bra嘅相。（有冇試過畀人騷擾？）試過有次喺街見到有個男人騷擾女人，係我嘅話我會爆粗鬧佢。」
曾被粉絲胸襲
而袁嘉敏則表示曾於鬧市有過不愉快經歷，被粉絲們飛撲埋身胸襲，問到對方是善意定有意？她謂：「兩樣都有（真係胸襲？）啲人好迷戀胸同Pat，依家睇開咗，成日諗會唔開心，佢哋黐我好過彈開。」談到即將為王晶新片拍攝全裸戲，袁嘉敏透露開工首天只需穿bra top，更謂：「大家都話唔使再墊，但我想效果澎湃啲嘛！」對於晶哥近日的unfriend論，袁嘉敏勸對方毋須太衝動，還笑謂：「過兩日去片場畀涼茶佢飲，做到朋友係緣分，唔使用文字去攻擊大家。」
文：影視組