楊怡武當山吸靈氣護體

無綫花旦楊怡和錢小豪昨晨率領新劇《潮拜武當》一眾台前幕後,包括元秋(秋姐)、蔚雨芯、張惠雅、李綺雯等現身機場,浩浩蕩蕩出發往武當取景,眾人又用自拍神器大合照,小豪更high爆從後攬實秋姐,可謂未出發先興奮!首次到當地的楊怡表示,會乘機吸收武當山的靈氣,有腰傷的她又希望學太極強身健體。由於當地溫差甚大,楊怡稱已備四季衣物及一箱即食麵、零食。

對於有傳楊怡耍大牌遭小豪鬧遲到,小豪打趣道:「佢冇耍大牌,耍大牌嘅係我,出外景都提供一張椅畀我坐,好多謝佢。」楊怡則笑稱因為對方懶惰,小豪即和應:「一來懶多時間瞓覺,所以叫我攞張櫈埋去用。」提到佘詩曼和鄭嘉穎傳翻撻,楊怡表示未有聽聞:「我唔八卦,如果係都係好事,我覺得佢哋好登對,最緊要佢哋開心。(祝福佢哋?)當然啦。」