SG唔信師姐影床照
組合Super Grils（SG）對於前師姐吳若希疑漏出「床照」，看過相片的隊長Aka說：「移花接木？唔相信佢會影呢啲相。」更力撐對方人緣好及工作認真：「佢好Nice同成日講笑。」至於慘被指與Uncle關係密切，Aka說：「唔夠膽評論。」
而SG昨日出席《感受澳門嘉年華》時透露早前到當地拍攝節目，寓工作於娛樂，成員Heidi與吳雨霏老友鬼鬼，對方好友與網球王子「翻撻」，她說：「都係睇報紙先知，戥佢開心。（你幾時同富二代監製翻撻？）暫時唔會，大家都係朋友，如果見面都唔會尷尬。」同場有楊詩敏（蝦頭）谷胸車女郎打扮，與張振朗一齊演出。
