吳若希遭抹黑：人紅是非多
長腿女神吳若希（Jinny）被爆料者傳中學時期開始有Uncle「支持」，並附上激似她的性感「床照」以示「有圖有真相」，又暗寸她要靠改名催人緣。對於這「三宗罪」，Jinny直言誰是造謠者心裏有數，自詡都是「人紅惹禍」。
以42吋長腿引死一眾宅男的吳若希，近日被讀者爆料流出疑似床照，相中的少女外貌與Jinny極為相似，身穿low cut趴在床邊對鏡自拍，該名讀者表示相片來源自Jinny的前男友，透露在論壇內有更多猛料相。該讀者又大爆Jinny在讀書時已傳與Uncle和契爺關係極為密切，相反在朋友圈中就毫無人緣，原名叫Curry的她為了「改命」，不惜改名成「Jinny」與另一個很受歡迎的同學同名。
「唔係我，冇影過」
對於疑似床照曝光，Jinny堅稱相中人並非本人：「第一眼睇都覺得有啲似，但唔係我，我根本就冇影過。可能呢排比較紅，所以是非比較多啩。」問到是否真的有「友好」的Uncle？Jinny反問記者：「乜我屋企真係咁窮？我冇地方住咩？呢個世界咩都有人講，是但啦。」她承認外界對娛樂圈人有誤解，自爆因藝人身份成為一段感情結束的導火線：「我前度嘅媽媽就係因為流言而唔鍾意我，搞到最後分手收場。」
疑有粉絲因愛成恨
至於人緣欠佳一說，Jinny自言：「我依家個中、英名同以前係唔同，但呢件事網上好多人知，啲人都寫晒啦。我都唔覺自己人緣差，中學同學都keep到依家，可以上網睇番我Facebook同Instagram。」她表示對於報料者是誰心知肚明，估計是一個因愛成恨的粉絲，問到為何遭該粉絲抹黑？Jinny直言：「因為佢喺我Instagram係咁講粗口，所以我刪除佢博文，最後仲封鎖咗佢，就咁激嬲咗個粉絲，佢仲話叫埋其他人開6個帳號一齊狙擊我。」Jinny表示以前對於流言蜚語會感到生氣，現在覺得最好還是專心工作，前晚她就和滕麗名趕拍無綫劇《倩女失魂》，期間更要「偷時間」到錄音室錄歌。
文：音樂組