馬德鐘發放安全感

最近社會不穩，有指《飛虎II》在這時候播出或對收視有影響，有份演該劇的馬德鐘前晚出席首映時表示，亦擔心觀眾在這段期間不睇電視而影響收視，並借機會呼籲觀眾多多支持：「對個劇我好有信心，不過喺呢段時間就有啲擔心，（警隊近日新聞影響劇集？）唔係，其實飛虎隊通常唔會接觸到普通市民，飛虎隊出動都係對付重犯，真係非死即傷。隊員嘅專業形象，我覺得反而會為觀眾帶嚟安全感。」

馬德鐘希望觀眾多多支持其新劇。
馬德鐘希望觀眾多多支持其新劇。

監製林志華強調劇集並無立場，只是提供娛樂予大眾：「一早就定咗係台慶劇，我從未收到公司通知要就敏感時期而改期播出，劇中更有隊員喺對付匪徒時都有矛盾位而受處罰，呢啲劇情都會照播，（擔心收視？）唔敢話冇，但首映上亦冇覺得觀眾有負面情緒，反而有好反應。」

馬德鐘（左起）、鍾嘉欣和羅仲謙交流揸槍姿勢。
  • 馬德鐘（左起）、鍾嘉欣和羅仲謙交流揸槍姿勢。