嫩版「楊采妮」鄺芷凡港女變甜心

雖然拍拖經驗不多，但Omi自誇是Sweet爆女友，會為另一半出盡心思：「紀念日、節日會送有心思嘅禮物，見佢底衫舊咗，會幫佢買！都有整啲手作仔，心意卡、Cupcake，煮飯都試過！（鍾意收咩？）我鐘意花，覺得好Sweet，另外如果男仔識送香水，代表佢了解你。」

愛霆鋒夠瀟灑

問到擇偶條件，起初她聲稱不要靚仔，但其後數的男友模範是謝霆鋒、彭于晏及梁朝偉，全是頂級型男，少女果然口不對心！她心花怒放地說：「霆鋒演戲勁瀟灑，我望住個銀幕，驚嘆點解可以咁有型！偉仔演技好好，正經同搞笑都咁好睇！至於彭于晏，睇過佢套劇《分手合約》，呢個男仔好吸引！」幻想完畢，Omi繼續談理想男友類型，怕悶的她表示對方要識氹她開心：「要風趣，唔好成日咁悶！外形就要高！」

鄺芷凡	鄺芷凡自誇是Sweet爆女友，願為另一半出盡心思，更曾送底衫給男方。

仍是新人的Omi望可進軍影壇，想拍喜劇及愛情片，提到選美時獲讚是「嫩版楊采妮」，Omi直言受寵若驚：「我好榮幸！可能大家都眉粗眼大，氣質有少少似。（都係楚楚可憐？）我想拍戲演文弱女仔，有重病嗰啲，有發揮！」

Profile

鄺芷凡（Omi）

年齡：18歲　

身高：1.66米　

三圍：32B、24、35

簡歷：第17屆國際旅遊小姐冠軍，兼得最上鏡小姐及人氣大獎，有「嫩版楊采妮」之稱。

泳裝：Roxy

文：影視組