鍾嘉欣keep住忟 躁狂嚇人
踏入無綫台慶十一月，由馬德鐘、鍾嘉欣、羅仲謙及梁烈唯等主演的新劇《飛虎II》成為台慶劇頭炮搶先出擊！作為人氣劇集《飛虎》續作，由馬德鐘率領的飛虎隊將由原班人馬出演，並加入CIB探員鍾嘉欣及飛虎隊新任總指揮洪天明，二人背景神秘莫測，勢必衝擊隊員間的堅定信念！
無綫台慶劇《飛虎II》將於今個星期日播映，飾演刑事情報科（CIB）探員的鍾嘉欣，將與馬德鐘率領的飛虎隊合作破案，不過背景神秘的鍾嘉欣卻為團隊帶來連串挑戰。擅演「乖乖女」的她今次演出智勇雙全的女警，連馬德鐘亦被深深吸引，二人經歷出生入死，漸生情愫。監製林志華大讚嘉欣表現破格：「今次角色唔係再咁善良，佢之前係一位臥底，經歷過好多事，個性夠硬朗。嘉欣心理質素好好，令到角色好有色彩，有滄桑味。」
嘉欣在新劇中「正式」挑戰警員角色，她說：「喺喜劇做過警察，但咁硬朗係第一次，好好玩，好有挑戰。最難係情緒表現，因為角色有躁狂症，為咗投入所以拍嗰陣keep住好忟，真係嚇親人！」而今次更是她演過最慘的角色：「佢係爛命一條，人生、事業、家庭、到同馬德鐘一段感情都覺得冇希望。」
馬德鐘多內心戲
而習慣衝鋒陷陣的馬德鐘將在新劇會有更多內心演繹，與他合作多次的林志華說：「佢喺第一部嘅剛強大家都熟悉，今次會着重內心戲，除咗同嘉欣嘅感情外，仲經歷飛虎之間的決裂，佢嘅感情流露令角色有血有肉，表現更突出。」