Yumi排舞(目及)仔鎖定(2)段生富
o靚模尹蓁晞（Yumi）昨日現身亞視，與16位準亞洲先生作舞蹈綵排，Yumi更主動出擊，明言看好(2)段生富，大讚對方高大且身形好。對於前男友陳偉成（Avis）將於17日的總決賽中為亞生擔任形象指導，她直認知情但未感到尷尬，不過就暗寸對方夜蒲：「其實冇聯絡好耐，佢唔係畀報紙影到去夜蒲我都唔知。」至於有否感到亞視將二人的過氣戀情擺上台？她笑說：「我都有得睇靚仔，（Avis呷醋？）叫佢哋『鍊』過囉！」
段生富對於被Yumi力讚，他亦賣口乖讚她靚女，後來得知Yumi與Avis的關係後就說：「我唔知道佢哋嘅事，（擔心Avis作弄你？）我唔怕呢啲事發生，佢冇理由會做呢啲事。」
此外，亞視欠薪逾兩星期涉嫌違反《僱傭條例》，有亞視員工爆料指前日勞工處派出五名職員到亞視了解欠薪情況，勞工處回應指正跟進有關個案，詳情不便透露。又，工程部主管昨成功安撫燈光師等員工，暫時擱置昨午擬發起的罷工，但員工揚言以本周五為限，到時仍未出糧會採取行動，相信會影響到晚上舉行的亞洲先生競選。亞視發言人表示昨未見有員工罷工，對員工以本周五為限表示未有聽聞。