7年情路

鍾嘉欣與伍允龍在2007年傳出緋聞後,一直死口唔認戀情,隨着二人感情日漸穩定,變得愈來愈浮面,似乎打風都打唔甩!

撻着期

2007年鍾嘉欣、伍允龍因拍電影《十分愛》認識,有傳他成功抱得美人歸,及後有指嘉欣引薦他為其MV《二人世界》任男主角,關係撲朔迷離。

唔認期

緋聞傳出多年嘉欣、阿龍仍死口唔認,2012年流出二人搭膊唱K照,其後阿龍讚嘉欣是101分女友,但她仍堅稱彼此只是好朋友關係。

浮面期

鍾嘉欣對感情事向來低調,去年有指阿龍火速另結新歡,嘉欣即公開力證情未變,並以蜜糖形容二人關係:「我feel到依家好蜜糖嘅!暫時冇變質!」

穩定期

9月阿龍37歲生日,嘉欣為男友慶生,大合照時更站在阿龍身旁「顯」示地位。之後二人被《好報》拍得與朋友飯局,阿龍想掃嘉欣玉背,她一招「河東獅睥」令他縮手彈開,明顯「食」住阿龍!