JM女王空降「機師」護駕

女星文詠珊（Janice Man，JM）昨日以代言人身份現身「IPSA SKIN CHARGE細胞充電活肌系列」新品發布會，為隆重其事，大會專程安排JM乘坐直升機空降現場，並挽着穿上機師服的男模，甚有巨星風範，JM對此亮相形式也大感興奮。以tube dress上陣的JM顯得高貴大方，然而未知是否裙子太鬆，期間不慎露出nude bra。

歐洲掃兩篋貨

JM透露近日才返港，之前因工作在歐洲逗留了近一個月：「我喺米蘭、巴黎睇時裝周，之後留喺巴黎拍電影，只係客串咗兩日，因為喺歐洲成個月，好耐冇食中國菜，最後幾日成日搵飯食。」問她有否趁機瘋狂購物時？JM大呻行程緊密，只有兩天空檔可以購物，不過她也發揮購物狂本色盡掃貨：「見到好多嘢都好抵，又可以退稅。最後三個篋去，五個篋返。（咁少時間買兩篋嘢，你好快手？）係女人嘅本性。（花咗幾多錢？）冇特別去計。（價錢都唔使睇？）見到就買。」

JM以性感tube dress上陣。

JM挽着穿上機師服的男模，盡顯巨星風範。

拍首部內地劇

另外，JM透露下星期便起程往上海拍攝其首部內地電視劇，由於是全國語對白，她正努力跟上海老師學國語。問她是否銳意開拓內地巿場？她稱：「我希望乜都嘗試。（換咗公司後多咗嘢做？）勤力啲。（吸金多咗？）唔知呢，賺錢係緊要，但乜都想試吓，好多嘢未試過。」

文：名人組