熊黛林牛一收鑽鏈獲牽紅線
昨日34歲生日的名模熊黛林（Lynn）與藝人趙雅芝為投資公司開幕酒會擔任剪綵嘉賓，二人獲大會送贈價值一百萬的投資戶口。Lynn更獲贈逾百萬鑽石頸鏈當生日禮物，當集團的首席執行官張瀚霖為她戴上頸鏈時，全場起哄，大叫男方仍是單身，有意為兩人做媒。
Lynn表示生日願望是心想事成，並坦承想早日找到另一半，講到集團的首席執行官現時單身，Lynn笑言：「咁希望佢快啲搵到女朋友。（會唔會考慮吓佢？）第一次見面咋喎！我覺得佢好有風度，係成功人士。但我今日係做嘢，冇諗咁多。（前男友郭富城有冇送過咁貴嘅嘢畀你？）都過咗咁耐，過去就過去。」Lynn透露有觀察中的對象。而她昨在微博上載同事為她慶生切蛋糕的照片，獲不少朋友留言祝賀。而昨晚同場還有李逸朗、梁雨恩、張慧儀等出席。
