諸葛唔見行李 朋友詐型
名模諸葛紫岐昨日在微博大吐苦水，原因早前她搭乘由美國返港的航機弄失她的行李，令她遺失了朋友託付的貴重物品，同時令她失信於朋友，慘受雙重打擊。而昨日藝人陳家樂亦在微博大呻行李寄失，但仍要深入沙漠工作，自嘲祝自己好運。
名模諸葛紫岐昨連發多則微博，連珠炮發轟航空公司在處理寄失的行李事件上不恰當，而被弄失的行李，至今下落不明，嬲爆的她更自拍谷氣照，以宣洩不滿。記者昨致電給她時仍餘怒未消，她說：「一間航空公司最基本要求就係將客人嘅行李安全送到目的地，連最基本嘅嘢都做唔到，真係好離譜。」
行李內有貴重嘢
諸葛說早前到美國公幹，經三藩市返港，惟其中一件行李寄失，當時航空公司表示翌日可以將行李送回，但事隔六天，行李仍無蹤影，她說：「等咗六七日，航空公司話冇消息，可能要等多兩三星期等佢哋嘅賠償方面打畀我，我話可唔可以畀賠償方面嘅電話我自己打去，佢又唔畀，淨係畀張表格我填，表格得兩行，我入面咁多嘢都唔夠位填，最嬲係佢哋咁多日完全唔聯絡我，係我日日打去問搵唔搵到行李，好似我哋求番佢咁，冇幫人搵行李，淨係識拖。（行李裏面有乜？）裏面樣樣咁貴重，唔想講幾錢，好hurt，最慘係幫人帶咗啲好緊要嘅嘢，都唔知點賠畀人，唔知點算！朋友已經癲咗，有埋怨，以後坐呢間航空公司都會好擔心。」
陳家樂亦是苦主
而無巧不成話，藝人陳家樂亦成為失行李苦主，他在微博自嘲祝好運，說：「人到銀川……行李寄失……一星期一班直航機到……今晚入沙漠……祝我好運。」
文：名人組