FAITH是今年3月出道的跳唱組合，成員有Hiu Yong、Wave及Sky，平均年齡僅17歲，他們的處男作《Stop Peeping》chok到震，跳舞乏力，甩beat走音樣樣齊，更被網民視為「膠歌」，在網上惹來極大回響，令他們成為MK Pop代表之一。
FAITH在5月母親節又發表新歌《Ma Ma Easy》歌頌母愛，歌曲一出又被批評。
腦囟都未生埋的三個後生仔，初出道就成為眾人恥笑對象，背後承受多少壓力，唔通又話你知咩。面對劣評，三子各有想法，Wave為此落淚，覺得對不起母親，更想過放棄，年紀最小的Sky覺得要與拍檔爭氣，唔可以衰畀人睇，三子自知有不足，會慢慢累積經驗，希望大家畀條生路行吓。