崔碧珈拋魔球 吹high酒鬼
「G奶謝安琪」崔碧珈（Anita）前晚到太子出席萬聖節活動，崔碧珈「中門大開」騷G奶，玩遊戲時更俯身拋胸吹蠟燭，十分性感，令現場男士尖叫。另一嘉賓黃夏蕙則與猛男跳辣身舞，又打猛男屁股，SM味濃。
藝人崔碧珈與黃夏蕙前晚到太子一間酒吧出席「藍妹啤酒×海洋公園《奪命金晚哈囉喂》嘩鬼派對」。崔碧珈以「中門大開」連身裙大騷半球，十分性感，遊戲時崔碧珈又俯身拋胸吹蠟燭，吸引不少龍友狂影及引起酒客尖叫。
作性感打扮的崔碧珈做足防走光措施，但防走光的膠紙外露，十分礙眼，她說：「條裙有唔係咁啱身，係有啲鬆，同埋啲膠紙唔係好夠力，都係小心啲好，走光就唔好意思。」崔碧珈又講到第一次醉酒經驗：「自己只係飲醉過一次，就係第一次係屋企飲啤酒，以為冇醉，點知媽咪話我醉咗，仲嘔到一床都係。」崔碧珈透露在英國讀書時也有參加萬聖節派對，問她可有遇過「鹹濕鬼」﹖她說：「咁又冇，喺嗰邊唔會着到咁性感，全部都係大學同學，如果有都實知係邊個。」
巡蘭桂坊賀83歲
夏蕙BB則與兩名赤裸上身的「銅人」大跳辣身舞，夏蕙BB見嫩口男當前，也手多多由猛男背脊掃到落屁股，還打猛男屁股，SM味濃，十分狂野，現場更有酒客高呼叫夏蕙BB除衫，氣氛極之熱鬧。
夏蕙BB被問到與猛男跳辣舞及打屁股是否一早排練？她說：「冇，開心即興，年輕人係要畀老人家教訓吓，跳完年青咗廿年，不過佢哋差唔多做得我個孫。」夏惠BB又表示會在萬聖節提早慶祝83歲生日兼出巡蘭桂坊。
文：影視組