琦琦讚有眼光：掃埋新蒲崗！

影帝級的「華哥」任達華，據悉，最近以一億元簽約英皇5年，投資房地產十分在行，在世界各地手持30個不同物業，身家高達5億！華哥日前被《好報》拍得以黑超、cap帽造型落區，實地到深水埗視察，搜索值得投資的靚舖。本身在基隆街已有3舖的華哥，對一個面積700平方呎、開價2700萬的空置舖位大感興趣，似乎想繼續在上址掃入靚舖，將基隆街打造成「任達華街」。華哥以手機拍下舖位捲閘上的地產經紀廣告，又吩咐助手到附近地產舖查詢，但最終因沒有鎖匙而未能到吉舖內實地研究。但華哥未有放棄，巡至街尾見一面積約400呎的吉舖，華哥即在上址觀察人流及交通情況，認真研究了一會後才離開，但前後在基隆街「覓舖」近一小時。

自導自演英皇新片

據知，華哥現正拍攝3齣電影，分別要到內地及台灣取景，稍後更會執導英皇新片，是華哥繼去年聯合執導《迷離夜》後再當導演，今次他會單獨執導長片，更會自導自演，可以預期他將會忙上加忙，難怪華哥趁空閒密密搵舖，不錯過任何入市時機。對於一億簽英皇電影藝人部，任達華笑言：「實際數目唔會講，總之我哋講感情唔講錢，大家合作得好開心！（5億身家？）身家都同我計埋？呢啲唔講啦！（就快買起成條街？）不嬲都有投資，承你貴言！」

遇上粉絲要求合照，任達華有求必應。	任達華和老婆琦琦上載到英國遊玩的新照片。	任達華狂掃舖，相信是為了一家三口可以歎世界。

睇中郵輪碼頭發展

華哥和老婆琦琦結婚多年恩愛非常，日前他們到英國遊玩，琦琦昨日凌晨在微博大晒在倫敦的新照片說：「每到一個地方，教堂是一定要去的地方，在倫敦和好友一起玩，真的開心到飛起！」對於被揭老公任達華在深水埗「掃街」，太太琦琦大讚老公之餘，更露了口風說：「佢喺新蒲崗都買咗啲嘢，話睇中嗰度有郵輪碼頭，佢眼光真係好長遠、好準繩，咁都要多謝有個好老闆楊生（楊受成），同埋有個幸福家庭支持！」

文：影視組