王敏奕露腰搵銀 最怕節食

藝人陳家樂及王敏奕早前拍攝adidas跑鞋廣告，王敏奕更以性感Bra Top造型上陣，她坦言拍攝前非常擔心「被禁食」：「聽過唔少傳聞話女藝人為免現『腩仔』，拍廣告前幾日會被要求禁食，聽到有啲擔心。（得天獨厚，唔使刻意節食？）本身一直有做運動，加上要準備出年初嘅10公里馬拉松比賽，目標係一小時內完成賽事。所以近期keep住積極練跑，體能、狀態都唔錯，唔需要刻意為今次拍廣告減肥同節食。」家樂早前拍電影時意外跌斷鎖骨，幸現時已大致康復，他說：「係用力時鎖骨位置有啲隱隱作痛，但問題唔大。其實上個月已經開始重新練跑，為明年初半馬馬拉松比賽做好準備！」