陳嘉桓拒冧富二代
女星陳嘉桓（Rose）在鍾澍佳執導新作《男人唔可以窮》中，演有身材又有腦的「大胸YoYo」。Rose「僭建」G Cup巨胸令角色更添話題性。戲中她嫌棄由陳偉霆飾演的男友貧窮，因而產生不少磨擦：「我角色係倫敦金，來自單親家庭，因媽咪盧宛茵（Madam Lo）睇錢睇得好重，令我都有壓力，有場戲Madam Lo嫌棄未來女婿冇錢，真係演得入型入格。」
問到現實中揀男友是否一樣「唔窮得」？Rose表示不太看重金錢，亦不會揀富二代：「我認為人窮志不窮，我睇上進心比較重要。男仔到30、40歲都仲可以搏殺。有啲女仔鍾意名牌、去高級餐廳，但我寧願儲起佢，或者買啲實用品。」