蔡思貝心情靚 衝線high爆
藝人蔡思貝首次擔正女主角，更與羅仲謙、吳若希等到台灣為劇集《衝線》拍攝。她坦言與台灣很有緣，大夥兒合作愉快之餘，拍攝上亦甚有滿足感，笑謂此行一世難忘。
藝人蔡思貝、羅仲謙、吳若希、沈震軒等，正於台灣為無綫青春新劇《衝線》拍攝。雖然之前那邊有颱風，令拍攝受阻，不過大夥兒亦合作得很開心。蔡思貝坦言之前跟羅仲謙於祈福地方拍談情戲，大讚該處風景靚，心情也特別好。問到她是否首次來到台灣時，她謂：「唔係，第一次去台灣，係同屋企人去。而一年前選港姐時，咁啱又係抽中去台灣，嗰次同今次一樣，都係踩單車，重遊舊地，所以覺得同台灣好有緣。」
難忘台灣放天燈
思貝又指與劇中各演員相處融洽，經常說笑。早前拍攝踩單車衝線戲份時，更令她甚有滿足感，思貝謂：「嚟到台灣的第三日，我哋拍咗結局嗰場戲。係最大型單車比賽，講我要去衝線。之前練習時，都唔敢好似啲專業車手咁，衝線時高舉雙手。拍呢場戲嗰日好大風，自己吸一口氣高舉雙手拍，真係得，好有成功感。」此外，她又坦言與劇組齊齊去十分放天燈，很難忘，坦言一世都記得。
拖手漫步火車路
而吳若希與羅仲謙亦有於菁桐站拍攝片尾花絮，二人手拖手於路軌上散步，相當浪漫。吳若希接受訪問時，坦言拍攝當日天氣很好，問到二人有否親熱鏡頭時，她謂：「最親熱鏡頭都係拖手，不過都好有feel。」
文：影視組