陳家樂奮鬥7年 意外得金
陳家樂捱足7年事業漸見曙光！早前拍戲發生意外險半身不遂，但卻「跌」出運來，短短兩個月工作量暴升，檔期排到明年初，令他終於賺到人生第1桶金。家樂感激經理人栽培，更豪花5位數宴請同事食海鮮慶祝。
英皇藝人陳家樂8月初在台灣拍攝林超賢新片《破風》由單車倒下受傷，傷口差點傷及中樞神經，分分鐘變成半身不遂，但他卻復原力驚人，經過兩個月休息，傷口已痊愈得七七八八。今次可謂「跌」出個運來！據悉，家樂最近成為廣告及電影界新寵，代言品牌主動要求續約，更有內地片約向他招手，下月他將赴甘肅逗留3個月拍戲。排山倒海的工作量令家樂初嘗「甜頭」，賺到人生第1個100萬。
靠經理人投資
家樂前晚請經理人公司同事往西貢食海鮮慶功，他還落手落腳撈魚及龍蝦等宴客，表現豪氣，席間既與工作人員碰杯，又感性答謝經理人Angelina及Wini謂：「好記得受傷後Angelina特登嚟台灣陪我，手術後睜開眼見到佢，我即刻有番安全感。入行7年真係未搵過咁多錢，依家決定將入息交畀Angelina幫我投資！」笑指「台灣是福地」的他，揚言只要搵到1000萬，會請大家到當地旅行及「食餐好嘅」。
下周將出發往上海續拍《破》片的家樂接獲好消息，原來林導打算加重其戲份，讓他出發前好好準備：「有啲緊張，但會盡力做到最好。」談到稍後甘肅開工，他笑說：「未諗執啲咩上去，但一定要『執』個助手，我唔係咁識照顧自己，況且第一次出去咁耐嘛。」
文：影視組