「契爺」陳柏熹：佢完全冇異樣

何嘉莉昨日突然公布結束九年婚姻，「Moiselle太子爺」陳柏熹與何嘉莉是生意夥伴兼其兒子的契爺。他坦言平日會探望契仔，但事前卻完全不知何嘉莉離婚一事，稍後會致電慰問她，他說：「我哋都係講公事為主，好少講私事，同埋我見佢都冇乜嘢，完全唔覺得佢有異樣。（佢依家有冇寄情工作？）佢一向都好投入工作，同埋佢依家同一個法國品牌合作，做埋設計，所以工作都好忙。」
陳柏熹（右）
陳柏熹（右）

樂壇天后容祖兒跟何嘉莉當年同獲英皇力捧，對昔日戰友突然離婚，祖兒透過公司說：「我唔方便回應，因為屬於幾私人嘅事。」跟何嘉莉同期出道的葉佩雯身在外地，對好友婚變，她以短訊說：「Sorry，我不回應啦。」新婚的鄭希怡（Yumiko）昨日現身電台，Yumiko表示與何嘉莉仍有聯絡：「但人哋感情事，我唔方便去評論。」

今年2014年6月一家三口曾出巡，原來當時二人已離婚。
  • 今年2014年6月一家三口曾出巡，原來當時二人已離婚。