諸葛呻岐麟B 冇得睇醫生
佔領示威行動遍及中環、銅鑼灣、旺角，因展開已超過一星期，令港九多處交通幾近癱瘓，民生受到影響，名模諸葛紫岐亦因道路嚴重擠塞，未能帶兒子「岐麟B」到診所做定期檢查；而莊思敏位於中環的時裝店更因人流劇減，一張單都冇開！
近幾天港九交通因佔中示威堵塞道路，多處交通出現嚴重擠塞，部分返工返學的市民和學生均備受影響，多位名模如諸葛紫岐、莊思敏和歐陽妙芝亦不能幸免。
唔想影響小朋友
榮升媽咪育有一子的諸葛紫岐表示，囝囝「岐麟B」已受到影響，她說：「原本要帶囝囝Arthur去診所做定期檢查，因為診所喺中區，前後改咗兩次期都去唔到，依家再改期，希望下次可以順利去到。」諸葛紫岐基本上的生活範圍都在港島，她說：「約人開會同埋一啲私人活動，好多都取消咗都唔緊要，最緊要唔想影響到小朋友囉！」
莊思敏與友人在中環合資經營時裝店，原來也受到中區人流減少令生意受損，她說：「市面明顯靜咗，少咗內地人同遊客嚟中區，成個星期一張單都冇開過，依家自己仲算捱到，但有啲做開零售同飲食業嘅朋友，同員工講將會裁員。」
歐陽妙芝逼港鐵
至於歐陽妙芝則表示交通擠塞亦影響到小朋友返學放學，她說：「上星期五我寧願搭港鐵，都唔坐司機車。」此外，熱愛韓流的妙芝，早前赴韓國拜訪李敏鎬御用髮型師Kang Ho，並獲對方親自為她set頭，她說：「今次屬半公半私，我有個韓國通朋友介紹佢畀我識，佢係李敏鎬、JYJ同4MINUTE嘅御用髮型師，喺韓國可謂數一數二，不過佢一啲架子都冇，人好好，佢講吓依家韓國嘅潮流，朋友幫我翻譯，大家當係一個交流，佢仲話歡迎我帶化妝學校啲學生去朝聖。」
文：名人組