顧紀筠囝囝決戰巨聲

顧紀筠兒子陳浚霆、張繼聰及杜德偉等昨日於電視城錄影首集無綫節目《超級巨聲4》，其中入圍十六強的浚霆自爆心情緊張：「以往跟媽媽入嚟電視城做嘢，今次角色掉番轉。」談到有母親作「後盾」，他大爆壓力大：「爸爸叫我畀心機唱。（媽媽煲開聲茶？）佢有買。（參賽者知你係『星二代』？）知，我會搵媽媽幫我睇中文。」

擔任主持的張繼聰為與港姐陳凱琳因拍劇傳緋聞而解畫：「佢唔好彩同我有對手戲。（太太信你？）信，我覺得爭番口氣！因為老婆傳過緋聞，而我冇。（打和？）我好開心終於將『廢柴老公』除名。」他稱面對陳凱琳不會避忌，但笑言若老婆再傳緋聞就會生氣。