Niki做上癮嫌男友筋太硬
藝人黃浩然自感染「貝賽特氏症」後，昨日首度復工現身鞋履品牌活動，小休後的他精神狀態甚佳，為怕病情會再度「翻發」，現時自我控制生活習慣。同場的藝人周麗淇近來勤做運動，身材甚fit的她，大騷纖腰成果，但她嫌男友的筋太硬，沒有陪她一起運動！
藝人黃浩然、周麗淇、黃淑儀兒子徐肇平及名模趙嘉懿等，昨日出席鞋履品牌GEOX 2014 Amphibiox「YOU CONTROL THE WEATHER」展覽啟動儀式，黃浩然早前因感染「貝賽特氏症」導致喉嚨發炎潰瘍，除被迫辭演新劇，還要住醫院住足兩個星期，昨日是他自病發後首個亮相的公開活動，他不時與現場觀眾互動及說笑，精神狀態看似甚佳！小休一星期多的黃浩然，透露現階段身體已康復不少，亦曾回公司與一眾同事見面，被同事指他比患病前更精神，他說：「未正式開始拍劇，未有咁快，因為之前因病辭演咗《張保仔》，依家暫時都係出席活動先。」
老婆煲愛心補品
黃浩然又表示在患病及康復期間，愛妻莫家嘉不時煲愛心補品給他進補：「阿媽同外母都有煲，依家食住家飯多咗。（囝囝好擔心？）佢哋都好掛住我，大仔知我出院好開心，佢喺學校同老師講唔開心，以為爸爸感冒入咗醫院。」快將踏入40歲的他，指病後更注重身體健康，問到病情可會有翻發迹象，他表示：「除咗肥仲有啲腫，醫生話一年發兩次都唔定，所以依家注意咗健康，keep住去做運動，去行山。每日有休息8個鐘，食物方面就多咗食生果同蔬菜。」
已練習瑜伽數年
另外，同場的周麗淇罕有地露出纖幼小蠻腰，身材弗爆的Niki，透露已練習瑜伽數年：「呢幾年有啲上癮，就算幾攰都去做。（同男朋友一齊做？）佢啲筋太硬，佢自己會去打波。（想操弗做新娘子？）唔係，只係想身體健康，想拍劇、拍電影，要學會放鬆。」不時往內地拍劇的她，指過往在無綫拍劇已練得一身好本領：「TVB係一個訓練嘅好地方，演技、體能要好，仲要夠獨立。」
文：名人組