陳敏之峇里嫁人喊不停

「索腿天后」陳敏之與拍拖十年的男友雷偉信（William），昨日在雙親和圈中好友伍詠薇夫婦、梁烈唯夫婦、黃長興夫婦、黃泆潼和嚴淑明等人的見證下，在峇里舉行婚禮。據知兩人雖低調行禮，但早於年初已開始籌備。昨日婚禮溫馨感人，雖沒有「玩新郎」環節，但一對新人跟足中國傳統習俗向雙親斟茶，被敏之視為「家姐」的伍詠薇亦有份「飲茶」，二人同被感動得一度落淚。

獲贈神秘禮物

婚禮在當地一個教堂舉行，新娘子陳敏之穿上白色露背拖尾婚紗，顯得更明艷動人，她翹着弟弟步入教堂時已按捺不住數度落淚。一對新人宣讀誓詞時場面感人，出席賓客亦被他們的幸福所感染，陳敏之說：「因為我係基督徒，入教堂之前我已忍唔住係咁喊，喊咗好多次，場面開心感動好難忘，多謝朋友幫手協力。媽咪睇到個女出嫁都好開心安慰。（度蜜月？）之後都接咗工作，跟住要去新加坡。」

陳敏之和伍詠薇在教堂前留影。

一對新人斟茶給「家姐」伍詠薇。

身為「家姐」的伍詠薇替敏之出嫁感到高興，她說：「佢兩公婆好認真咁斟茶畀我同我老公飲，我覺得好榮幸可以飲呢杯茶，我都感動到忍唔住喊，搞到佢都喊埋一份。」伍詠薇表示有份參加婚禮已是對新人的祝福，她說：「送咗咩我唔透露，但亦係一份心意。就算將來我哋嗌交，佢都會好記得我，佢一定會愛死呢份禮物。」

陳敏之與雷偉信拍拖十年，終修成正果。

陳敏之覓得如意郎君，一眾好姊妹當然開心到跳起。

黃長興亦表示被婚禮場面所感動，他說：「婚禮整個環境同氣氛都好靚，可以見證佢哋兩個十年感情。祝福佢哋永遠幸福，能夠嚟到呢度見證佢哋嘅婚禮，真係好開心。」

文：影視組