曼喜出賣細佬 爆多女圍
王敏德與女兒王曼喜以父女檔出席活動，有傾有講，父女感情非常好，除了大談高爾夫球經，還齊齊踢爆兒子王躍穎多女「朋友」，十分搞鬼！
【馮雪怡東莞直擊】型男演員王敏德（Michael）、女兒王曼喜（Kayla）、名模Jocelyn和老公Anthony昨日以高爾夫球裝束現身東莞，出席「2014觀瀾湖世界明星賽」發布會。Michael與Kayla坐直升機到達會場，十分架勢！兩父女更與觀瀾湖集團副主席朱鼎耀切磋球技。
姿勢做得比人好
Kayla表示近年少接觸高爾夫球，八年前曾與父親參加父女球賽，雖然沒有勝出，但Michael也大讚囡囡有潛質：「我以前冇push佢打，但佢嘅姿勢已經比人做得好！」在旁的Kayla則說：「佢有push我，係我唔打啫，今晚我仲考慮緊打唔打。」她表示胞妹王麗嘉和胞弟王躍穎打得最多。問到打高爾夫球會否容易識女仔？Michael說：「佢身邊都好多女仔，有機會搵個golf partner係好事，可能有多啲動力打。」Kayla踢爆弟弟身邊多女性朋友：「不過佢好少同我講，淨係話嗰啲係朋友。」
Jocelyn高手過招
而Jocelyn表示兩年前也有參加過明星高爾夫球賽，雖然比賽中沒有贏，但能與多個荷里活巨星會面，坦言感到高興和榮幸。她表示亦有與洪金寶和美國職業球員比賽，大讚洪金寶為人有趣。Jocelyn與夫在台上以不鹹不淡的普通話向大家打招呼，Anthony表示每天無論幾忙碌，也會抽兩小時練習，而近日就忙於為TVB明珠台拍攝品酒節目。