早前在美國加州舉行的MTV音樂錄影帶頒獎禮屬年度的盛大活動，每位出席歌手也悉心打扮，著名星級造型師郭慶彬評選以下6位女歌手，當中他最欣賞「籮霸」珍妮花露柏絲（Jennifer Lopez）繃帶式的華麗造型，大讚高貴又型格，艷壓全場！
Tube top或crop top配搭高腰褲或裙，是近年流行的穿衣作風，輕露纖腰散發性感魅力，又不會過分暴露，非常適合春夏季節穿着。不但能強調線條輪廓外，高腰剪裁還能凸顯修長腿部，帶出青春活力感。
「好靚、好睇！着得佢身形好fit，呢條裙畀太瘦嘅人着未必好睇，要有少少肉地先carry到。高衩設計加成個打扮好性感，感覺高貴又型格。」
「都OK，tube top加高腰褲簡單得嚟好時尚，不過仲欠件褸，如果以披搭式着件西裝褸，會更加完美。另外我亦都好欣賞佢個金色短髮，好搶眼。」
「中門大開超deep V太性感暴露，上露下露，成件事未必好，反而顯得cheap咗。條裙着得佢肥之餘，紅裙加紅clutch襯得唔好睇，冇美感。」
「條裙款式幾靚，佢都着得唔錯。不過條裙拖尾過長，依家條裙太長令佢顯得有啲累贅，如果短番5至6吋會更合身。」
「佢本身係高瘦，雖然個顏色係靚，但長袖衫拼短褲，着得佢好肥同顯得好大隻。最唔得係個髮型，好老土，唔鬈唔直好尷尬，同佢平時淑女造型差好遠。」
「無論款式設計，抑或連身裙下半部分都好靚，感覺好elegant、好grand。中門大開嘅喱士透視設計係亮點，性感得嚟好高貴，而且全黑打扮喺紅地氈上好sharp。」
著名星級造型師郭慶彬（Ricky）曾遠赴米蘭與巴黎時裝周，出席品牌有Max Mara、Chanel、Valentino、Gucci等品牌，也曾被邀在中國時尚節目《美麗俏佳人》擔任嘉賓主持，現於電台擔任客席嘉賓大談時裝之道與配搭技巧，近年也被各大品牌邀請客串造型顧問，為VIP提供服飾資訊與配搭技巧。Ricky曾為李冰冰、吳君如與張惠妹等擔任造型師，地位被肯定。