黃翠如被嘲矮細信心摧毀
藝人黃翠如擔任時裝活動的嘉賓模特兒行貓步，她表示在後台與其他模特兒肉帛相見，更衣時很感尷尬，自言沒有勇氣坦蕩蕩，加上被男友蕭正楠嘲身材矮，所以認為自己沒資格做模特兒呢！
昨日黃翠如出席時裝活動，並擔任客席模特兒打頭陣及壓軸出場，同場還有男星李治廷唱歌助興。翠如在台上表現自如，原來在後台渾身不自在，她笑說：「喺後台同啲model一齊換衫，覺得佢哋真係好專業，因為佢哋完全冇尷尬。（坦蕩蕩？）係呀，反而我望到佢哋覺得好尷尬。（咁你咪做唔到model囉？）我咁嘅身形都做唔到啦，細個都有幻想過自己可以高啲。（男友蕭正楠滿唔滿意你身形？）唔知喎，冇問冇了解，不過同佢拍戲嗰陣佢有話過我矮。（嗰陣應該未想追你？）肯定啦，嗰時同佢唔熟o架！」不過翠如以德報怨，反讚蕭正楠身形好。
李治廷夢想港開騷
對於無綫裁員及有指高層余詠珊炒了不是自己班底的員工，令自己愛將包括翠如等藝人得益？她說：「我去過唔同機構做嘢，都有經歷過裁員，每次都覺得好難過，希望大家都有工作啦！」
此外，表演唱歌的李治廷夢想是希望能在香港開演唱會，他說：「呢排都係專注拍戲，一日24小時，仲要瞓覺，時間都唔夠用，不過最近拍戲時有機會唱主題曲，可以過吓歌癮。」
文：名人組