薛凱琪執導微電影等添食
歌手薛凱琪（Fiona）、混血名模Rosemary、陳嘉桓與崔碧珈前晚出席皮具品牌新店開幕。忙畢紅館個唱的Fiona，表示已積極投身十月初的廣東大碟宣傳，還透露將於下周初發布一部自編自導的微電影：「星期一或二會正式公布，呢部微電影長達二十分鐘，未入行前自己除咗做演員，仲想做畫家、裝置藝術家同導演。」談到該微電影有何特色？她表示主要注重演技：「冇賣弄性感同親熱場面，（咁有咩？）拖手同擁抱，劇本好到唔用呢啲，連Paco（黃柏高）睇完都話OK可以有第二部。」
問到對於房祖名一事的感想？她依然避談，只稱有為對方祈禱：「識咗祖名十年，所有朋友都好關心佢。（聯絡到佢嗎？）都有途徑，但作為朋友唔使向任何人交代。（有留意消息？）有密切留意，我真係回應唔到。」
Rosemary明年底行禮
另以露背裝上陣的Rosemary表示婚禮籌備進度緩慢，預計明年底才於香港舉行：「希望媽咪好番可以出席。（中西混合婚禮？）因為我同男友都有中國血統，所以希望婚禮可以中西並 重。」又指中印混血富商男友Jason不在港，故未有時間商討婚禮事宜：「本身爹哋嚟香港係想睇婚禮籌備情況。（佢會否唔開心？）佢冇答我，要同佢Say Sorry！」
文：名人組