張繼聰傷脷變綿羊 Kay讚風流倜儻

謝安琪在活動上大騷長腿，索到爆！

歌手謝安琪（Kay）前晚與尹蓁晞（Yumi）、綠魔Karl（許嘉浩）及高均賢等出席「BMW 2 Series Active Tourer」發布派對，Kay大騷美腿獻唱兩首歌，掀起全場高潮。談到老公張繼聰在籃球賽中咬傷脷縫5針？Kay說：「嚇死，封佢做奇人，但證實咬舌自盡係唔可能，佢已經瘦，依家只可以食流質，又唔可以食熱嘢，似小綿羊。」她笑言老公平時「自動波」講兩小時的棟篤笑，但現在好文靜，見識到他的風流倜儻。問她是否不能錫錫？她尷尬說：「唔啦。（佢幾時好番？）2個月。（影響工作？）佢都繼續做，無非想我讚佢。」

Yumi暫不會復合

同場的Yumi谷胸現身兼自爆日前27歲生日與Karl一班朋友通宵唱卡拉OK慶祝，亦收到追求者送的飾物作生日禮物，舊愛陳偉成（Avis）亦有發短訊送上祝福。她表示與Avis只是普通朋友關係，暫不會復合。高均賢則透露將會回內地工作，但會以香港作基地。

傷脷的張繼聰昨日仍頂硬上與陳嘉佳出席活動。	Yumi低胸又露腿，非常養眼。	Kay盛裝出席活動，名副其實香車配美人。

另外，張繼聰昨日與陳嘉佳等出席「FRIGHT DOME驚嚇顛峰」活動，他直言已小心保養傷口：「前兩日拍廣告都冇黐脷筋。（傷口妨礙同老婆錫錫？）我哋專注工作，比較着重心靈上支持。」

文：名人組