唐紫睿嘔得豪邁做晶女郎
現年27歲、有「新晶女郎」之稱的唐紫睿（Hazel）剛簽約王晶，入行前是髮型師，由於身形高挑，故十多歲已兼職模特兒，三年前正式成為全職model，不過她夢想其實是拍電影。她說：「做咗三年model，覺得自己唔係咁適合，直至幾個月前入咗依家呢間公司（與周秀娜同一公司），我同公司講真係鍾意演戲，公司就安排我參與一啲電影演出，雖然係閒角，由低做起。」
早前Hazel參與周潤發主演的電影《賭城風雲》，因為一幕「嘔吐戲」被王晶導演賞識。她笑說：「晶哥話我嘔得好豪邁，好放，好真性情，就係咁樣睇中我話簽我。」她透露七月將到泰國拍《賭城風雲2》，會再度與偶像發哥合作。擁有33D上圍的她揚言不介意性感演出，反而王晶欽點她成為王小鳳接班人：「晶哥話我個樣有啲cool，係適合走型格路線，太可愛唔啱我，適合走王小鳳嗰類型嘅風格。」
