王祖藍拗柴冇人錫

王祖藍、薛家燕、何傲兒、周子揚現身節目《Sunday扮嘢王》記招，眾人見祖藍坐輪椅左腳足踝包裹着到場相當擔心，原來昨日凌晨他在大陸拍攝內地版《Running Man》跳樓梯時拗柴弄傷左足踝，祖藍稱已照X光未有大礙，但女友李亞男則仍在加拿大探望父母，祖藍要自己照顧自己。

講到有指節目最後一集沒有騷錢，祖藍說：「呢件事感覺好食死貓，第一日已經知道最後一集係安排獎金獎品，當時知道獎金起碼有萬幾蚊，其餘每集就計騷錢，要強調獎金獎品係一早有唔係臨時加。係有啲傳媒同我哋關係唔係咁好，搵啲事嚟挑起紛爭乜都鬧被抹黑，呢隻死貓真係啃唔落。」

何傲兒 周子揚同場尷尬

祖藍談到有同事被裁，他說：「當然係傷心，自己都係兒童組，全部同事都識，依家密謀緊啲工作介紹畀佢哋。」家燕姐也表示一早知道有幾十萬獎金在最後一集派出，她說：「其實節目不斷加咗好多人，希望人人有騷錢。依家有三個星馬登台騷傾緊，希望大家一齊做。」

閃電分手的何傲兒與周子揚同場，何傲兒顯得尷尬避開周子揚，她表示：「唔係尷尬，係自己企錯位，大家係同事，之前已經過咗去唔想再講。」何傲兒表示現在最後一集獎品獎金比騷錢還要多，十分開心。

文：影視組