Robynn & Kendy殺入紅館三代好聲音騷Quali
內地熱爆歌唱節目《中國好聲音》第三季正進行得如火如荼，去年一班學員歌手在紅館舉行演唱會，曾掀起搶飛熱，門票火速售罄，英皇娛樂乘勢於十一月十一日假紅館舉行「2014中國好聲音．香港演唱會」，今次會集合三季的歌手，包括吳莫愁、張瑋、李琦等等，及採用四面台，更造就參與第三季演出的香港樂隊KillerSoap主音陳樂基（Rocky）、女子組合Robynn & Kendy、鄧小巧等可以踏上紅館表演。
因《中國好聲音》人氣急升的Robynn & Kendy（R&K）昨晚為品牌KOOKAI秋冬企劃「閨密」派對擔任嘉賓，R&K曾經為樂隊Mr.紅館演唱會做嘉賓，她們說：「當時同佢哋jam咗首歌，今次再踏紅館能唱自己首歌係第一次，好開心有咁嘅機會，中國好聲音舞台帶咗好多嘢畀我哋，一齊表演唔會有壓力，始終過咗比賽。」
Rocky望樂隊上台
而演繹《月半小夜曲》一鳴驚人的Rocky對於能夠踏紅館演唱，坦言感到開心，他說：「依家同主辦傾緊，我非常之想帶晒成隊Band上去，始終我唔係想一個人發展，難得有咁好機會我想同班兄弟一齊經歷。」能跟三季學員同台演出，他並未感壓力，他說：「大家風格唔同，我只做我自己，我唔係想做一個偶像，唔介意啲人點評論或者點睇我。」
文：音樂組