馬德鐘口花花徐子珊寸鹹濕
徐子珊、張名雅、朱千雪、馬德鐘等昨日於馬鞍山拍無綫新劇《以和為貴》，名雅以誇張假髮及超短裙示人，成功搶鏡。提到子珊與馬德鐘有談情戲，她即投訴被調戲：「佢做前蠱惑仔，講嘢好輕佻，成日調戲我，好似鹹濕佬。」她又笑稱被Joe激到抽筋：「名雅係我老公小三，佢係我剋星。（激出皺紋？）淨係被馬德鐘調戲都激到扯氣同抽筋！」
馬德鐘表示於劇中「冇厘正經」：「我調戲得佢（子珊）少啦！反而（調戲）名雅仲多。我個角色『冇厘正經』，不過得把口。」談到馬德鐘於劇中艷福無邊，他即大讚三女表現：「套劇由子珊帶住我。（千雪同名雅呢？）唔怯場同一點就明。」
