JM指霆鋒少講家庭事
謝霆鋒前緋聞女友藝人文詠珊（JM）仍身在米蘭睇騷，現身Anteprima時裝騷的她被問到有傳王菲有喜，她說：「我都冇跟，我schedule都好忙，日日瞓三、四個鐘。（唔好奇八卦咩？）如果有喜咪恭喜。其實我識嘅霆鋒係唔多講自己家庭事，自己亦冇問。」
提到網友替栢芝不值，問JM覺不覺得愛的反面就是恨？她說：「愛情方面係好複雜，自己經驗嚟講，自己處理到。（係唔係覺得唔開心就要將感情放下？）自己都睇化。我都經歷過好長過程（指愛情），學識成長同放低，係人生一個課堂。」她表示與霆鋒是朋友，但並非認識得太深入，故不清楚他是否好爸爸，但明白小朋友夾在大人中間會很慘。