蔡思貝繼續發電 謙仔受晒

羅仲謙、蔡思貝及沈震軒等前晚出席無綫劇《衝線》的煞科宴，慶祝劇集完成香港拍攝部分，準備再赴台灣拍外景，其他出席演員包括吳若希、胡渭康及譚凱琪等。早前被《好報》指是「發電廠」狂電謙仔的思貝，對緋聞毫不避忌，在開飯前更和謙仔一齊開香檳，又玩得很親密。

「我哋有默契」

對於被指是發電廠，思貝稱：「某程度上都當幫套劇宣傳。」思貝的回應正與謙仔和沈震軒的答法不謀而合，問謙仔會否刻意迴避思貝？他坦言：「緋聞咪當宣傳囉！刻意去防嘅，出到嚟個報道又會變咗做另一樣嘢！總之做番自己，真永遠係真！」

眾演員開香檳慶祝《衝線》香港拍攝部分煞科。

吳若希期望新劇創造佳績。

問思貝是否曾與其他人夾過口供？她笑謂：「咁證明我哋好有默契！」與思貝亦傳過緋聞的沈震軒亦直認：「咁寫都係一件好事，證明我哋有情侶感覺，我哋飾演一對嘛！」

19日拍百場戲

提到眾演員即將赴台灣拍攝外景，謙仔透露到時將會忙爆：「19日拍百幾場戲！」不過他表示屆時會有台灣的單車專家在場，令他對在台踩車放心不少。而思貝則表示期待到台灣：「上年參選港姐個自選項目我揀咗喺台灣踩單車，所以想重遊舊地。」

文：影視組