衞蘭唔識中文勤背歌詞
鐘錶界女強人黃伊汶（Emme）、歌手衞蘭（Janice）、JW及王梓軒（Jonathan）昨日出席「2014香港鐘錶展-國際名錶薈萃」，除了有Emme分享時裝與腕錶的配襯潮流，更有「雙J」獻唱。Emme表示已代理法國鐘錶品牌四年，將有其他配件推出：「依家亞洲有40至50個銷售點，（咁忙點結婚？）盡快啦，睇吓幾時有呢個緣分。」
未有佩戴腕錶亮相的Janice和JW笑言留番個位待大會贈送名錶，Janice又謂現忙於演唱會的訓練和綵排：「Keep住練歌同要聽熟啲歌，仲要背歌詞呀，因為我唔識睇中文，鬼妹仔嚟講係有難度，而嘉賓除咗有JW，仲會有驚喜畀大家。」另Jonathan則透露早前拍攝節目遇上靈異事件：「有幾次眼前一黑睇唔到嘢，標晒冷汗同面青口唇白，後尾有人幫我祈禱後就冇事。」