蔡加讚剪臍帶 震撼落淚

蔡加讚與甄子丹姨仔汪圓圓結婚未夠一年，即榮升父母，於上周六（六日）早上在仁安醫院剖腹分娩，誕下約7.5磅女嬰，是蔡家首個金叵羅內孫，蔡、汪兩家各成員也紛紛趕到探望。由於圓圓需要休養及安排產後事情，故這對新任父母一直未有公開現身。

昨日早上約10時，與妹妹感情深厚的汪詩詩率先到達醫院，不發一言便匆匆步入乘升降機，似乎不願搶風頭。於早上11時許，新任爸爸的加讚在公關的安排下接受傳媒訪問，雖然他一臉倦容，仍難掩興奮心情，他表示：「前幾晚陪圓圓入嚟，昨日一早開刀，有入產房同剪臍帶。（擇日？）冇習俗，但幾好日子，一早定咗日子係昨日，因為星期二係中秋節假期，方便我照顧圓圓，屋企人同朋友嚟探佢。」

蔡加讚	湛琪清低調探表姐。	蔡李惠莉燉愛心補湯給新抱，正是廿四孝奶奶。

為女着想哺母乳

加讚形容女兒出世的一刻，感到非常震撼及感動，與圓圓在產房中相擁而哭。問到女兒的長相？他表示：「頭髮多、身形偏高同眼大大，仲有嘴仔好得意，日日個樣唔都同，屋企人講法都唔同，自己覺得似媽咪，好靚女。（改名未？）仲諗緊，因為會影響佢一生，最緊要好聽，都會畀屋企人、婆婆同長輩過目。（生多個？）再諗，咁長遠，大家仲年輕。（中秋前出院？）未咁快，要等醫生決定。」為女兒的健康着想，圓圓現正考慮餵哺母乳，自己亦正在學習換尿布。

汪詩詩不願搶風頭，沒有受訪。	王梓軒講到靈異事件，表示當時好驚青。	黃伊汶做女強人，結婚隨緣。

愛心補湯給新抱

其後，同日下午，蔡加讚母親蔡李惠莉亦有現身醫院，逗留一個多小時多才離開，榮升嫲嫲的她，指今個中秋節特別高興，步上座駕前更透露孫女的新狀況：「今日BB幾好，收咗水，個樣唔同咗，都係咁靚。（送大禮畀BB？）留畀爺爺諗。（湊B心得？）加讚都抱得好好，慢慢嚟。」又透露燉了愛心補湯給汪圓圓，她表示：「都係啲清湯，因為佢未食得嘢住。」而圓圓表妹湛琪清亦前來探望，但未有停下受訪。

文：名人組