何家勁谷士氣瞄準黃金周

【陳奕龍惠州直擊】藝人何家勁前晚現身惠州，出席中國旅行社《萬人遊惠州暨中秋賞月活動啟動儀式》，與惠州市旅遊局局長黃細花及香港中旅社董事、副總經理辛聰金，跟來自香港的旅客共迎中秋。阿勁以惠州旅遊大使身份說：「我6年前首次來惠州，空氣好、景色又靚，真係唔捨得走。後來仲同朋友合資興建勁家莊，推廣健康食品，已推出嘅食品超過廿種，講真暫時呢門生意搵錢一定唔及我拍戲多，我諗要畀2、3年佢去成長。」
辛聰金、何家勁
辛聰金、何家勁

期間，阿勁親自沖製健康飲料給旅客，他說：「通常我星期一至四會喺勁家莊，周末要飛其他地方出席活動，十月黃金周，我由9月26號忙到10月7號，幾乎一日飛一個地方，但我有時間都返勁家莊，睇住啲生產工序，同啲員工傾吓偈，士氣就係咁嚟！」

何家勁與眾員工排排企，甚有氣勢。
  • 何家勁與眾員工排排企，甚有氣勢。