38G陳嘉桓胸壓 Bosco硬晒軚
21歲女星陳嘉桓（Rose）參演改編自網絡小說的電影《男人唔可以窮》，與黃宗澤（Bosco）、鄧麗欣、陳偉霆及導演鍾澍佳合作，身材高挑平均的Rose戲中突然再度發育，變身38G辦公室女郎「大胸YoYo」，胸前效果澎湃，OL服裝、眼鏡、黑色絲襪全部都是宅男所愛，只看其裝扮已令人鼻血直流！
男教女變身姣精
片中Rose更有一場色誘男主角Bosco的戲份，游說對方投資倫敦金，Rose在梳化上搔首弄姿，烏身時不經意露出G Cup「西瓜胸」，她又借故胸壓Bosco，兩人不乏身體接觸，令Bosco當堂硬晒軚，畫面香艷！不過鏡頭後原來相當搞笑，擅拍打戲的Rose甚少拍情挑戲，難免有點尷尬，反而Bosco曾反串及扮演CamCam哋的同性戀者，結果由他做「動作指導」，教Rose如何擺S形甫士「發姣」。事後Rose說：「Bosco的肢體語言演得仲女性過我。（尷尬？）都有啲，我要拉高件衫同好Sexy咁碌梳化，要顧住服裝同五吋高踭鞋，拍完條腰好攰！」
對於今次「為藝術犧牲」扮巨胸女，Rose笑言過足癮：「我有加工，攝咗唔少嘢，睇番Playback都好震撼！不過我唔鍾意咁大，太大胸幾難負擔，我對本身嘅身材幾滿意，我仲高緊，腳又夠長，G Cup拍戲試吓就夠。」
文：影視組