薛凱琪拋變幻球 Magic!

薛凱琪一連兩場的《ADIDAS presents TONIGHT FIONA LIVE 2014》演唱會前晚在紅館開鑼，請來緋聞男友方大同及填詞人黃偉文（Wyman）任嘉賓，眼淺的Fiona全晚多次感動落淚，慘變大喊包。平日打扮保守的Fiona，在演唱會上的歌衫全是露背晒長腿，內裏以銀閃鑽Bra打底，其中一套桃紅色吊帶紗裙，力谷下驚現三吋長波濤，可謂賣大「包」，不過其他造型又變回「水平線」，認真變幻！

扭腰自摸

練得一身好「舞」功的Fiona先與兩位女舞蹈員跳辣身舞，接着率領十多名女舞蹈員打觔斗。身為已故巨星張國榮歌迷的她唱出偶像歌曲《想你》時，則模仿對方的神髓，在台上的Fiona不斷扭腰、趷籮及自摸。

薛凱琪趷籮狂舞，意態撩人。	被叫「方太」的薛凱琪，與緋聞男友方大同大鬥舞技。	薛凱琪在個唱上賣大包，力谷三吋事業線，她還眼濕濕地感謝大家支持。

Fiona的緋聞男友方大同當然也有撐場，一身黑Look的他未有與Fiona合唱，反而互相鬥舞跳moonwalk。之後Fiona再與填詞人好友Wyman合唱《甜蜜蜜》，可惜Wyman的超低音唱法嚇窒觀眾，唱罷兩人即「咀嘴」，Wyman亦即場送上新歌歌詞作禮物，最後Fiona首次獻唱新鮮滾熱辣的歌曲《給十年前的我》。

眼淺的薛凱琪多次感動到喊。	拋開玉女形象的薛凱琪扮露兩點，意念大膽。	變回排骨胸的薛凱琪與經理人黃柏高在後台合照。

被嗌方太

受訪時變回排骨胸的Fiona坦言很感動，對於好友房祖名未能到場支持，Fiona說：「有請佢睇，身為祖名好好朋友，一定想佢嚟睇。（有冇託人慰問佢？）唔會講，尊重公司同今晚係我入行十周年演唱會，第日先再答，我都想畀回應大家交功課，但呢件事畀唔到答案。」對於歌迷稱呼她為「方大同老婆」及「方太」，Fiona笑說：「知道大家想為我未來着想同Happy Story。」但強調兩人沒拍拖，對方亦沒追求她。至於被指個唱門票減價平賣，Fiona說：「知道啲飛銷情幾好。」

薛凱琪獻唱《想你》，向偶像張國榮致敬。

薛凱琪與好友Wyman嘴對嘴。

採訪：音樂組