Alice B.遭賣豬仔飯局價五百
今期《東網Baby》主角、「第四代Canon甜心」Alice B.，強勢回歸香港模界，「升胸」至32C的她趁中秋化身性感玉兔，與東網觀眾一同賀佳節。Alice憶述初入行時被騙到富豪飯局，而每位模特兒僅得五百元報酬，令她感到自貶身價，故立定決心做實力派名模。
混血索模Alice B.早前返家鄉英國探望病母，如今其母親的病情已穩定下來，令她放下心頭大石。Alice於休假期間，積極增磅，更成功豐胸升Cup至32C！以最佳狀態回港的Alice，趁着中秋節化身為玉兔，以性感兔女郎造型與粉絲賀佳節，以行動告訴大家她已強勢回歸模界。
「覺得好Cheap」
Alice笑言難得在香港過中秋，必須要去看大型花燈會，感受歡欣的節日氣氛，她表示：「我會同朋友一齊去睇，之後可能會去沙灘參加沙灘派對，順便喺沙灘賞月，到時我哋當然會食月餅同埋玩燈籠啦！」Alice謂中秋過後，會再投入模特兒工作，並出席不同時尚活動。
談到工作的辛酸史，Alice憶述自己初來港時，因人生路不熟，曾被人騙她出席富豪飯局，令她留下不快回憶，她稱：「嗰次其實係啲有錢人想搵啲靚女陪食飯，一大班人，好似有10個女仔陪3個有錢人咁上下。去嘅人每人都有五百蚊收，同埋會有免費嘢食、嘢飲。雖然啲人都唔會對你做啲乜，但係咁樣陪人食飯，令我覺得好cheap，所以我試咗一次都冇再咁做過。」
恨主持真人騷
至於未來路向，Alice指除了模特兒工作，她更銳意轉型為真人騷節目主持人，並視師姐Lisa S.為目標，希望做實力派名模。
profile
Alice Burns
出生日期：1990年7月22日（24歲）
星座：巨蟹座
身高：1米77
三圍：32C、24、33
入行經過：英泰混血兒，16歲成為模特兒，起初在泰國行騷，2010年轉戰香港，並夥拍葛民輝拍第四輯Canon打印機廣告而為港人熟悉。
文：名人組
攝：吳文聰
化妝：Chris Lam
髮型：Ton Kwan@POP Eight