陳奕迅多斬獲 狼狽黐車坐

陳奕迅手持一大袋戰利品離開友人精品店，心情大靚。

前晚陳奕迅（Eason）與好友劉浩龍及Eric Kwok夫婦等現身中環一間精品店，當晚約十時一行人興高采烈地出席友人的開張派對，雖然未見愛妻徐濠縈相伴，但心情大靚的陳奕迅於店內滿場飛，不停與友人邊飲邊吹水，面上不時露出燦爛的笑容，未幾他再細心地於店內搜羅心頭好。同樣單拖出席的劉浩龍則明顯比較靜局，大部分時間獨自坐在吧枱前自斟自飲，一行人於店內大約逗留了個多小時陸續離開。

劉浩龍揮手走人

首先步出的劉浩龍見記者在場，即友善地揮手打招呼，隨後的Eric Kwok和葉佩雯亦笑容滿面，及至手持大袋戰利品的Eason出現，在場的一名女Fans即上前與他傾偈及要求合照，Eason笑笑口拒絕，並向她說：「今日唔係咁方便喎。」原來沒有駕車的Eason心急搵順風車，沒有心機拍照，只見他狼狽地走到友人座駕前問對方：「架車仲有冇位呀？」甫見對方點頭Eason老實不客氣，拿着一大袋戰利品馬上跳上車，逼逼地好過到處搵的士。

表現狼狽的陳奕迅走到友人座駕前，望坐順風車。	陳奕迅成功上車，懶理座位擠迫。	劉浩龍見記者，即友善示好。

• Eric Kwok與葉佩雯盡興離開。

文、攝：追蹤組